|
Dhaq-dhaqaaqa Somaaliyeed
Nabada,Midnimada iyo Cadaaladda
oo ka duulaaya Masuuliyadda
Qarameed,Akhlaaqeed oo ka Saaran Danha
guud iyo Maslaxada
Qarameed,Midnimadda iyo wada jir Dadkeena iyo
Dalkeenaba,sidaas awgeed waxaan halkan ku muujineeynaa
Arrimahan
Hoos ku Xusan:-
*Mar walba Dhaq-dhaqaaqa
Somaaliyeed waxeey soo dhoweeynayaan
Baaqaya,Bayaanadda iyo Talooyinka
dhanka Wanaag iyo danaha guud ku
Saleeysan,hadaba waxaan si weyn oo
xamaasad leh, farxadeeda leh u
Soo dhoweeyneeynaa Bayaanka
Cad,Qiimaha weyn leh,niyad samida iyo Dareenka
Somaaliyeed iyo qiiradda Wadaniyadeed leh oo eey London
ka Soo saareen
Aqoonyahanka,Saraakiisha Sarre,Culimaa'udiinka iyo
Wax-garadka Jaaliyada Beel-weynta
Daarood.
*Dhaq-dhaqaaqa Somaaliyeed
waxeey ku amaanaayaan Xubnaha soo
saaray Bayaankaas Nuxunka weyn
xan-baarsan,kana turjumaaya Wadda
jirka,Midnimadda iyo wada Dhalasha
runta ah ee Dadka Somaaliyeed
ka dhaxeeysa iyo Xaaladda Maanta
dalkeena hooyo ku sugan yahay,
dhibaatadda Dadkeena heeysta iyo
duulimaadka qaawan oo Gumeeysiga
Itoobiyaanku ku soo qaaday,kuna
Qabsaday Ciidna qaaliga iyo falka
Xasuuqeed ee loo geeysanaayo
Bulshadda ku dhaqan Caasimada.
*Dhaq-dhaqaaqa Somaaliyeed
waxeey u arkaan Bayaanka Beeshaas
ama Jaaliyadda Beeshaas in uu
ahamiyadiisa leeyahay, dhiiri gelina
u noqonaaya Muwaadiniinta ku jira
Difaaca iyo iska Caabinta Xaqa
ah,waana mid meesha ka saaraayo
Wararka xun iyo howlaha eey inta
Yari wadaan oo lagu kala
fogeeynaayo Dadka Somaaliyeed, Bayaankan
ayaa ayaa tusaale fiican u noqon
karaayo guud ahaan Dadka, mudana
Soo dhoweeyn iyo taageero buuxdaba.
*Dhaq-dhaqaaqa Somaaliyeed
waxeey qaban isla Fikrada ku cad
Bayaankaas oo ah in loo baahan
yahay hanaan Mideeysan lagu Difaaco
Dalkeena, looguna Wajaho
Cadoowga,Gumeeysiga Itoobiyaanka iyo Kuwa
u adeegaayaba(Khaayiniinka
Waaweyn,Damiir Laa-wayaasha ah).
*Dhaq-dhaqaaqa Somaaliyeed
waxeey halkan Amaan,Bogaadiin iyo
Hambalyoba uga soo jeedinaayaan
Xubnaha Jaaliyada Besha Bayaanka
Soo saaray,kuna boorineeysaa in eey
kaalintooda ka qaataan guud
ahaanba Waajibaadka
Diineed,Qaramiied iyo Akhlaaqeed oo Dalkooda
iyo Dadkoodaba ka Saaran eeyna ugu
Muhiimsan yihiin Maanta Difaaca
iyo Howlaha Taakuleynta Dadka
tabaaleeysan,kana Shaqeeyaan habka
Mideeynta iyo wada jirka Dadka
Somaaliyeed.
-Fiiro Gaar Ah-Ka Akhrista Bayaanka
Shebekadda Wadaniga ah-
-Xassan C/Laahi Sh(Xassan Carab)-
-Af-hayeenka Guud-
-Dhaq-dhaqaaqa Somaaliyeed
Nabada,Midnimadda
Iyo Cadaaladda.
-England-UK- 21/04/2007-
|
