Kooxo hubeysan oo
rasaas la dhacay
gaari marayay inta u
dhaxeysa
Bandiiradley iyo
Gaalkacyo.
Calayaale News
Gaari nooca xamuulka ah oo ay saarnaayeen dad shacab ah ayaa lagu rasaaseeyay xilli uu marayay inta u dhaxeysa Gaalkacyo iyo Bandiiradley, kaddib markii kooxo hubeysan ay jidka u galeen kuna fureen rasaas fara badan oo geysatay qasaarooyin kala duwan oo isugu jira dhimasho iyo dhaawac.
Wararka ayaa sheegaya in dadkii saarnaa gaarigaasi rasaasta lagu furay hal qof uu kaga geeriyooday, halka shan kalena ay ku dhaawacmeen, iyadoo kooxaha rasaasta ku furay gaarigaasi ay halkaasi ka baxsadeen kaddib markii ay falkaasi geysteen.
Gaariga rasaasta lagu furay oo u socday magaalada Boosaaso ayaa la sheegayaa inuu gaaray magaaladaasi, iyadoo dadkii dhaawaca ahaa la geeyay isbitaal, hase yeeshee falkaasi oo ay aad uga naxeen dadka Boosaaso ayaa ku tilmaamay inuu yahay mid ka baxsan bani'aadaminimada.
Dhinaca kale falalka noocaan ah ma aha markii ugu horeysay oo ay ka dhacaan gobolka Mudug, iyadoo dhacdadii ugu dambeysay kooxo hubeysan ku weerareen gaari rakaab ah, inkasta oo goobta falku ka dhacay uu ka taliyo maamulka Galmudug, hadana ma jirto tallaabooyin lagu soo qabtay kooxaha jidka u gelaya gaadiidka rakaabka ah.
