M/weynaha wadanka Kenya Mwai Kibaki oo ku sugan wadanka Uganda ayaa sheegay in dawladiisu ay soo dhaweynayso Guulaha ay ka gareen  ciidamada dawlada iyo ku midawga Africa ee AMISOM ka dagaaladii ugu dambeeyay ee ka dhacay magaalada Muqdisho.

Mwai Kibaki M/weynaha wadanka Kenya waxaa uu xusay in guulaha ay ciidamada dawlada iyo kuwa AMISOM ay ka gaareen magaalada Muqdisho ay ku diiri galinaysop sida uu yiri inay horey u sii socdaan ciidamada Kenya ee ku sugan qaybo ka mid ah koofurta Soomaaliya oo ay ku siqaan goobaha ay Shababku kaga sugan yihiin gobolada Jubbooyinka iyo Geddo sida uu yiri
 
M/weynaha Kenya waxaa uu hadalkiisa ku sheegay in ciidamada dawlada KmG iyo kuwa Midawga
 Africa ay Xarakadda aAl-Shabab ka saareen magaalada Muqdisho taasina uu ku
 aamanayo wadamada Uganda iyo Burundi oo uu sheegay inay dadaal dheeraad ah ku> bixiyeen xal u helida mushkilada Soomaaliya ka taagan
 
“Warka ah in ciidamada dawlada iyo kuwa midawga Africa ee AMISOM ay Muqdisho ka saareen dagaalyahanada Xarakadda Al-Shabab waxay keenaysaa dhiiri galin ay helaan ciidamadeena oo ah inay sii socdaan” ayuu yiri M/weynaha wadanka Kenya MwaiKibaki  waxaa uu xusay inuu mahad gaar ah u dirayo wadamada Jabuuti, Uganda iyo Burundi oo uu tilmaamay inay dawlada KMG ku caawiyeen sugida amaanka magaalada Muqdisho sida uuhadalka u dhigay.
 
Nabad ka dhalata Soomaaliya ayuu sidoo kale sheegay M/weynuhu inay dan u tahay wadamada dariska ah oo uu sheegay inay muhiim tahay inay iska kaashadaan la dagaalanka amni xumida Soomaaliya ka jirta.

Dawlada Kenya ayaa ciidamadeeda Soomaaliya u soo dirtay bishii October ee sanadkii hore waxaana ay gobolada koofurta Soomaaliya kula dagaalanta dagaalyahanada Al-Shabab oo goboladaasi ka taliya.