R/wasaaraha wadanka Ethiopia meles Zanawe oo shir jaraa’id ku qabtay magaaladda Addis-Ababa ayaa sheegay in dawladiisu ay ciidamadeeda kala baxaso Soomaaliya marka ay diyaar naqdaan ciddankii kala wareegi lahaa
deegaanada ay Shabab ka saareen ee ciidamada midawga Africa ee AMISOM.

R/wasaara Ethiopia waxaa uu sheegay inuu diyaar u yahay in ciidamadiisa oo Soomaaliyaugala baxo sida ugu dhaqsiyaha ee suuyrta gal ah hase ahaatee waxaa uu xusay inay baaqi ku sii ahaan doonaan deegaanada ay ka saareen dagaalayahanada.

Xarakadda Al-Shabab illaa ay ku wareejinayaan ciidamada midawga Africa ee
AMISOM waxaana uu intaa ku daray inaysan doonayn inay baneeyaan deegaanadaasi oo ay caawinayaan ciidamada dawlada Soomaaliya eek u sugan qeybo ka mid ah gobolada dhexe ee dalka,“Waxaan rajaynaynaa in ciidamada AMISOM ay gaaraan goobaha ay hadda ciidamadeena joogaan si ay hawsha nagala wareegaan marka maba jirto sabab keenaysa in ciidamadeena Soomaaliya ay kusii jogaan” ayuu yiri R/wasaaraha Ethiopia.

R.wasaare meles waxaa uu xusay inay ciidamadooda Soomaaliya ka sameeyeen hor mar dhanka amaanka ah oo ay ka saareen magaalada Baladweyne Al-Shabab isla markaana ay jiri doonaan hawlgalo kale oo ay ka sameynayaan deegaano kale oo uusan shaacin “Go’aankeenu waxaa uu yahay inaanu faarujin goobaha aanu xoreynay waana sii wadi doonaa caawinta ciidamada dawlada Soomaaliya” ayuu mar kale yiri R/wasaaraha dalka Ethiopia Meles Zenawe.

Ciidamada Ethiopia ayaa dhawaan xoog kula wareegay magaaladda Baladweyne ee xarunta gobolka Hiiraan kadib markii ay ka saareen dagaalyahanada Xarakadda Al-Shabab oo magaaladaasi muddo ka arriminayay.