Soomaalida yemen ku nool oo lagu eedeeyay inay ku biirayaan ururka Al-Qacidada Yemen

Soomaalida kunool wadanka Yemen ayaa waxaa la sheegayaa in ay intooda badan noqdeen ku biirayaan ururka Al qaacida ee ka howl gala dalka yemen iyadoo dhawaanna ay la wareegeen magaalo lagu magacaabo Ridhaac oo 130 KM koonfur galbeed kaga beegan magaalada sanca ee caasimada wadanka yemen.
Arintaan ku biiritaanka tiradaan badan ee soomaalida ay ku biirayaan Al qaacida gacanka cadmeed ee saldhiga ku leh dalka yemen ayaa waxaa ayaantaanba si weyn u hadal haaya saxaafada dalkaasi yemen.

Wargeyska jamhuuriya ee ka soo baxa dalka Yemen oo kamid ah wargeysyada sida weyn u hadal haya arintaan soomaalida ayaa waxa uu qoray in boqolaal soomaali ah ay kusii qulqulayaan xarumaha AL QAACIDA ee dalka yemen ayagoo doonaya in ay ku garabsiyaan in ay gacanta ku qabtaan magaalooyin dhowr ah oo ay kamid tahay magaalada Maar ee iyda ah wadada laga soo galo magaalada Sanca.

Wargeyska ayaa qormadiisa waxa uu ku sii faafaahiyay in dadkaasi soomaalida ah ay halis ba’an ku hayaan amaanka iyo xasiloonida dalka yemen waxaana xukuumada lagama maarmaan ah ayuu wargesku qoray in ay ka howtagto arintaas.

Dadka kale ee Soomaalida ah ee degan dalka Yemen ayaa ayagana waxa ay arintaasi ku tilmaameen mid aan jirin oo aan la qaadan Karin waxaana ay dalka yemen ka jirta in dadka soomaalida ah ee ku nool dalkaasi aanan loo ogoleen in ay gaari ku raacaan in ka badan shan ruux iyadoona dadka soomaalida aan loo ogoleen in ay uga socdaalaan magaalo kale magaalada ay joogaan.

Odoyaasha iyo culumaadiinka soomaalida ee dalka Yemen ku sugan ayaa waxa ay iygana leeyihiin in hadii culeys yar ay dareento dowlada yemen ooo dhinaca amniga ah ay mar waliba la xariiriso dadka soomaalida ah.

Dalka yemen waxa uu kamid yahay dalalka ay buuxaan qaxootiga soomaalida waxa ayna Soomaalida inta badan yihiin kuwa tahriib ku taga ayaga oo doonaya in ay uga sii gudbaan wadanka sacuudi cariba.