Marka hore waxaan halkaan ku caddeynayaa in aan xushmo  Madaxweynanimo u haayo Dr. C/qaasin Salaad Xasan, maadaama uu horey u soo qabtay xilka Madaxweynanimada Soomaliya.
 
Sidoo kale waxaan caddeynayaa in aysan jirin wax xumaan ah oona dhax-yaal, amba horey noo dhex marey aniga iyo ninkaan dowladii lagu soo dhisey Carte horraantii 2000 ka ahaan jiray Madaxweyne KMG ah.
 
Ha yeeshee, inaan isweydiiyo su'aasha kor ku xusan, waxaa keenay markaan arkey sida uu C/qaasim uga hadlo xaalada murugsan ee Soomaliya iyo xilliga uu ku beego oo ah markasta ee Dowlada uu hogaamiyo Madaxweyne Sheekh Shariif Sheekh Axmed la timaad qorsho ku wajahan mucaaradka ka soo hor-jeeda  jiritaan dowlad ay yeelato Soomaliya.
 
Haddii aan soo qaato mid iyo labo ka mid ah waxyaabaha, igu dhaliyay ka shakinta sheybka ah Sheekh C/qaasim waa sida soo socota:-
 
1) asagoon dhowr billood ka hadlin dhiigga sida xad-dhaafka ah Soomalidu isaga daadinaysay, ayuu markuu ogaaday inay  DKMGS ay qaylo dhaan  u dirsatay beesha caalamka, ayuu la soo booday erayo ayka mid ahaayeen " ma qabo in dalka la keeno ciidamo ka socda dalalka deriska". 
 
2) Asagoo si fiican uga dheragsan inay Soomaliya ka jirto Dowlad FKMG ah oo  sharci ah (Legitimate Transitional Federal Government of Somalia) ayuu carabkiisa ka dhowraa in uu ku dhoho Dowlada KMGS, laakin wuxuu aad u jacelyaha in uu ku cel-celiyo" labada kooxood ee Xamar ku dagaalamaaya iwm".
 
3) Waxaa C/qaasim aad loogu xantaa in uu taageero kooxaha aaminsan in Xukuumad aan loo  baahnayn ( Anarchism Groups Supporter)
 
4) Wuxuu Dr. C/qaasim carabkiisa ku dhejiyaa eedeynta ka dhan ah xukuumada Ethiopia balse marna sooma qadan qaado Xukuumada Eritrea dhibaatada ay ku hayso Soomaliya iyo dowladaha deriska la ah sida Jabouti iyo Ethiopia.
 
gabagabadii iyo gunaanadkii, Madaxweynihii hore Dr. C/qaasim Salaad Xasan, dhex-dharaad miyuu ka yahay dhibaatada ka aloosan Soomaliya mise dhinac ayuu u jan-jeeraa??????. waa su'aal furan.
 
Xil. Mohamoud Ghedi Aw Hilowle
      Jowhar53@hotmail.com
      Rochester
 

Welcome to Calayaale Page

---

Sign  kuqor wixii Ra'yigaaga ah

Name
E-mail address
Homepage URL
Comments

Read Akhriso

Webmaster@calayaale.com Tafatiraha wararka caalamka iyo  soomaliya Calayaale Media Center calayaal@yahoo.de kalasoo xiriir