Maanso cusub oo la magac baxday mashaqadii muqdisho oo dhexmaraysaa Madaxweyne shariif iyo Magaalada madaxdaa muqdisho.
 

Ra'yi  30Jan2010   Maansadii  Mashaqadii Muqdisho   Maansadan waxay dhexmaraysaa Madaxweynaha Jamhuuriyada Soomaaliya ee  shariif Shiekh Axmed iyo Magaala Madaxda Muqdisho oo doonaysaa inay waydiiso waxqabadkii dowladii magaca quruxda badnayd ee  la soo dhisay isanadkii hore oo  maalmahan fooda inagu soo haysaa sanadguuradeedii la galayo iyo halkay ku danbaysay midnimadii qaranka ee ay ku baaqeen isaga iyo 550 xubnood ee baarlamaanka  ah iyo 38ka wasiir ee dowlada bal hadaba bogasho wacan maansadii Mashaqadii muqdisho   Muqdisho   Marka hore salaaniyo Mudanoow wanaagiyo Murwaadkii gobeediyo Milge iga gudoonoo Madaxweyne iga hoo Marka xiga su,aaliyo Ma huraan ujeedada Aa mariyo iga maqal Mar uun jaanis I yeel Muraadkaan u jeediyo Moosinkayga dhawroo Hana seegin marinkee Runta miiska ii saar Mudanoow  dalkeenii Maxaa macaaleeshiyo Muunad li,ida dhigaye Mahuraankii  helayee Midnimadii burburiyee Midba magac u bixiye Malaayiinta calaniyo Midba meel ujeediyo Meehanawga badayee Kala maaga nagu riday Adigaa masuulooo Madaxweyne qaraniyo Laguu doortay maamule Midnimadii ma haysaa ? Marinkaan ku heli laa Milgaheenii qaranimo Adigaa mooshinkii helay Dadku kuu maqsuudeen Laguu muunadeeyee Madaxweynenimadiyo Masuulnimo gudoontee Mudaad meesha joogtee Maxaad qabatay mudanoow??     Madaxweyne Shariif   Ma magaaladiibaa Ma xaruntii dalkaygiyo Meeshii ugu mudnayde Maankayga deeqdaa Ma halkay ku taalee Madaxtooyadaydiyo Minankaan jeclaabaa Marka hore magaalooy Muqdishaay I maqaloo Muranka iga dhawroo Ma ogtahay inaan ahay Madaxweyne daacada Ma ogtahay inaan ahay Nin muwaadnimo lehoo Maalintiyo habeenkii Muusanawga qaylada Inta madax madawliyo Inta midab cad oo idil Ugu maqan dalkiisiyo Maatada dadkaygoo In naloo miciinooo Mar uun aynu moodnaa Mashaqada haleeshiyo Masiibadan dhacaysoo Marna aan ka daalayn Soo celinta maandeeq Marna aan ka daalayn Mugdiga inuu ka saaroo Maatada wanaajoo Malaaayiin ku bixiyaa Ma aqridid miyaaa weli Muqdishay wargeeysyada Mana ogid miyaa weli Maqalka iyo aragtida Ninka ugu murtida badan U macquulsan inaan ahay Maxaa maanta kuu daran Ma fahmine bal ii mari??   Muqdisho   Ma dhabaa dadkaygoow Mudanuhu waxuu yidhi Ma wax loo maqsuudoo Dadow loo mashxaradaa? Mise  waaba dhalanteed!!   Mudanoow I maqaloo Ha masuugin hadalkoo Miisaan jawaabliyo Mid macquula iga sii Su,aalahan I madaxmaray   Miinada qarxaysiyo? Muslinkaa la dilayiyo Mahlakada na haysiyo Maydka aan la aasayn? Ma xaqbaa habeenkii Madfaca iyo hoobiye Inaad maatadaydiyo Masaakiin agooniyo Maxasta iyo dumarkiyo Muslimiin ku laysaa?   Ma waxaan mutaystaa? Nimankaan madoowiyo Kuwa marada duubtee Madaxooda qariyee Muslinimada sheegtiyo Waan mujaahidaynaa Dhibka ay I mariyaan?   Micna li,ida lagu dilo Dadka kii macquulee Moorada la gubayaa Minankaagii weeyaan Mid dareemi karayoo Maankiis ogyahayoo Milicsada ma joogee Maatada la gubayaa Macaan hooyadaa iyo Waa masuulkii abaaha Mhuraan walaalkaa Malabeey walashaa Mid yidhaahda kuma jiro Yaanan moodin marinkoo Maaxda hadalka duminine Madaxweynahaygoow Maqaloo ujeedada Mudo waan ku sugayee mMaad maanta haysaa ?   Madaxweyne Shariif   Muqdishaay inshalaah Maalin dhaw xoriyadiyo Nabad loo maqsuudiyo Mudnaantaadii waad heli   Waxaa iman maraykaan Melereriga dunidiyo Mooska iyo raashiyaa Mariinada talyaaniga Ingiriis maryacadiyo Midowgeeda yuruboo Midh qudhaba maqnaynoo Maraakiib dagaaliyo Miigaag duulayaa iman Misel ayay la dhacayaan Mid kasta oo mucaarada   Afrikada madoowiyo Midowgii ifriiqiyaa Iyomool amxaaro ah Waxay maro ku jiitaan Cadowgeena waan madhin Kuli waan makalayaa Arin  ayaan malmalayaa Majarihii dagaalkiyo Kartaan milqaayaa Ha i moodin moogane Masuul sare ayaan ahay Madaxweyne qaraniyo Ma taabtaan ayaan ahay Muslin daacaadaaan ahay Nin macaan ayaan ahay Nin munaafaq neceboo Runta mariya baan ahay Mudnaantana anayska leh Nin mutaystay baan ahay Muqdishaay ma fahantoo Ma ku deeqday xaajadu!!     Muqdisho   Bal maqlaay wadaadkii Mudanaha warkiisii Iyo midha dhalkiisii Maantaanbaa sii go,ay Miyir iyo wanaagiyo Mood iyo aduunyiyo Maatada qaxaysooo Milkida oo dhulkoodii Nabad lagu mabsuudiyo Manfac lagu negaadiyo Miciin baan sugaayee Waxuu yidhi maraykaan Ma kuwii ciraaq gubay Ma kuwii aduunyada Mahalakada ku kiciyee Muslimiinta madhiyee Mucjisada qarniga iyo Mahadhada kuwii dhigay Ma  Ibliisyadii yurub Mooskiyo dadkeedii Alla mooge weeyaan Wiilkii maddoobaa Maba oga waqtiga dhacay Maba oga alhuumada Ma amxaar ayaad tidhi Meles ciidankiisiyo Waxaan magangelaynaa Maafiyadii wayaana ah Maanka iyo qalbiga iyo Maskaxday gadoontoo Murugaan la deris ahay Inaad maaro keentoo Masuulnimo awoodiyo Madax baan ku moodee Madaxweyne qaranoow Ma dhabaa waxaad tidhi!!   kuwa maxasta laayee Midigtiyo gacmaha iyo Madaxaba ka gooyee Murtadnimo ku sheegiyo Kuwa madow yugaandhiyo Malowyada duqayntiyo IgU mira madfaca ee Iga madhiyay maatida Inaad iga maciintoo Meel iiga yeeshaan Mudane kaa filaayee Moolka kale ayaa iman Maqalkaygu muu rabin Miyaadan marinkaleetiyo dhaqankii mudnaa iyo Muftaaxii cilmiga iyo Mayalkii wanaagiyo Masiirkii islaamkiyo Maqal siiradeenii   Taas maaha mudanoow Mid caqliga galayseee Macne kale ma haysaa???     Fiiro Gaar ah  Maansadani way dheertahay sidaa awgeed si aqristayaasha ay ugu fududaato waxaan u samayey qaybo kale markaa qaybtani waa tii koowaad welina waa socdaa waraysii iyo dood iswaydaarsigii caasimada muqdisho oo metelaysaa shacabkeedii Iyo madaxweynaha dowlada KMG ah oo metelayaa xukuumadiisaa Waxayna soo bixi doonaan qaybaha kale inshalaah dhawaaan ee  la soco     Waa Qalinkii iyo Hall_abuurkii Cabdiraxiin Hilowle Galayr Abdirihiin1@hotmail.com   Welcome to Calayaale Page Sign  kuqor wixii Ra'yigaaga ah Name E-mail address Homepage URL Comments   Read Akhriso Webmaster@calayaale.com Tafatiraha wararka caalamka iyo  soomaliya Calayaale Media Center calayaal@yahoo.de kalasoo xiriir

_________________________________________________________